Foilsiú
Fógra Faisnéise Bronntanais do Státseirbhísigh
Ó Coimisiún um Chaighdeáin in Oifigí Poiblí
Foilsithe
An t-eolas is déanaí
Ó Coimisiún um Chaighdeáin in Oifigí Poiblí
Foilsithe
An t-eolas is déanaí
Níor cheart do státseirbhísigh glacadh le sochair de chineál ar bith ó thríú páirtí ná iad a fháil más sochair iad a bhféadfaí a mheas go réasúnach go gcuireann siad a mbreithiúnas pearsanta nó a n-ionracas pearsanta i gcontúirt. Ba cheart na gníomhartha de chuid státseirbhíseach a bheith os cionn amhrais agus níor cheart iad a bheith mar chúis le haon choinbhleacht leasa iarbhír nó fhéideartha. Chomh maith leis sin, ba cheart an dóigh a ndéileálann státseirbhísigh le leasanna tráchtála agus leasanna eile a bheith in ann an tiniúchadh is grinne is féidir a sheasamh.
Is é aidhm an fhógra faisnéise seo faisnéis ghinearálta a thabhairt faoi na hoibleagáidí atá ort faoi Chód Caighdeán agus Iompraíochta na Státseirbhíse (an Cód) i leith tairiscintí bronntanas agus/nó fáilteachais.
Ba cheart é a léamh i gcomhar le fógraí faisnéise ábhartha eile.
Sa Chód, folaíonn an téarma “bronntanas” aon sochar a thugtar do státseirbhíseach saor in aisce nó faoina phraghas tráchtála. Ní mór an fháil bronntanas ag státseirbhísigh ó na daoine sin a ndéileálann siad go hoifigiúil leo a bheith á rialú ag na caighdeáin is airde. Ní mór do státseirbhísigh cloí leis na treoracha sin nó na rialacha áitiúla arna ndíorthú uathu.
D’fhéadfadh go n-áireofaí le fáilteachas béilí simplí nó sólaistí a thairgtear as freastal ar chruinniú, ar fháiltiú nó ar ócáid ghnó eile. Féadfaidh státseirbhísigh, i gcúinsí áirithe, glacadh le tairiscintí beaga fáilteachais a mheasfaí a bheith ina gcúirtéis i gcaidreamh gnó. Ina dteagmháil le heagraíochtaí nó daoine seachtracha, áfach, ní mór do státseirbhísigh a chinntiú nach n-imreofar tionchar orthu as glacadh le fáilteachas agus nach bhféadfaí a mheas go réasúnta go n-imríonn sé tionchar orthu agus iad ag comhall a bhfeidhmeanna oifigiúla.
Is é atá sa treoir mhionsonraithe seo a leanas ná creat ar faoina chuimsiú is féidir cinntí sa réimse seo a dhéanamh nó rialacha áitiúla a cheapadh:
Níor cheart cineálacha áirithe fáilteachais (mar shampla taisteal thar lear, béilí costasacha nó deirí seachtaine saoire) a mheas a bheith ina ngnáthfháilteachas agus ba cheart tuairisc a thabhairt orthu d’oifigeach uachtarach an státseirbhísigh le haghaidh treoir a fháil. Moltar do Chinn Roinne/Oifige treoirlínte a eisiúint chuig a mbaill foirne féin maidir leis na tairiscintí fáilteachais a thugtar go coitianta do bhaill foirne sa Roinn/san Oifig. Sa chuid is mó de chásanna, ba cheart diúltú do thairiscintí den sórt sin. Níor cheart do státseirbhísigh glacadh le tairiscintí bronntanas nó fáilteachais a théann níos faide ná na gnáthchleachtais dá dtagraítear thuas, seachas i gcás go mbeifear in ann a thaispeáint go soiléir gur le leas na Roinne/na hOifige atá an tairiscint agus gur cheadaigh bainisteoir de chuid bhainisteoir an státseirbhísigh í.
Ba cheart don bhainisteoir aird a thabhairt ar an gCód agus ar an bhfógra seo agus iad ag breithniú aon tairisceana a dtugann fostaí leis/léi tuairisc uirthi dó/di.
Faoi réir aon rialacha a fhéadfaidh an tArd-Rúnaí nó an Ceann Oifige a chinneadh, féadfaidh oifigeach glacadh le bronntanais dar luach beag (e.g. dialanna, pinn, etc.) agus iad a choinneáil. Ba cheart diúltú do bhronntanas dar luach níos airde nó, i gcás go ndéanfaí maslú dá ndiúltófaí don bhronntanas, ba cheart é a thabhairt ar aghaidh do Roinn/d’Oifig an státseirbhísigh.
Maidir le bronntanas, seachas bronntanas dar luach beag, a thugtar do státseirbhíseach de bhua an chaidrimh oifigiúil atá aige/aici leis an síntiúsóir nó de bhua dhéileáil tráchtála a Roinne leis an síntiúsóir, ní mór iad a mheas a bheith ina maoin de chuid na Roinne/na hOifige lena mbaineann. Mar sin féin, féadfaidh státseirbhísigh aonair na sochair a ghnóthaítear faoi scéimeanna eitleora mhinic a choinneáil chun aitheantas a thabhairt don fhíric go dtéann taisteal oifigiúil i bhfeidhm ar an saol pearsanta agus ar shaol an teaghlaigh.
Ba cheart cúram ar leith a dhéanamh i dtaca le bronntanais ó shíntiúsóirí a bhfuil sochar pearsanta nó tráchtála le baint acu as a gcaidreamh leis an Roinn/an Oifig lena mbaineann.
thrádáil neamhghníomhach agus ghníomhach i dtionchar. Tá na hailt sin ceangailte le halt 14 den Acht, ina bhforáiltear go ndéanfar talamh slán de gur go héillitheach a tugadh agus a fuarthas aon bhronntanas a thug duine, nó a tugadh thar ceann duine, d’oifigeach i gcás go bhfuil leas ag an duine sin i bhfeidhmeanna ábhartha an oifigigh.
Ba cheart do státseirbhísigh cúram ar leith a dhéanamh freisin agus iad ag glacadh le bronntanais ó dhuine éigin a rinne brústocaireacht orthu roimhe seo nó a d’fhéadfadh brústocaireacht a dhéanamh orthu sa todhchaí. Faoi alt 16 den Acht um Brústocaireacht a Rialáil, 2015, d’fhoilsigh an Coimisiún um Chaighdeáin an Cód Iompair do dhaoine a sheolann gníomhaíochtaí brústocaireachta. Tháinig an Cód i bhfeidhm an 1 Eanáir 2019. Ba cheart do gach sealbhóir oifige ar oifigigh phoiblí ainmnithe iad chun críocha na reachtaíochta brústocaireachta eolas a chur ar an gCód tar éis an Fógra Faisnéise seo a léamh.
Déileálann Prionsabal 6 den Chód le tionchar míchuí a sheachaint. Rud sonrach, luaitear sa Chód nár “cheart do dhuine a sheolann gníomhaíochtaí brústocaireachta féachaint, le linn a g(h)níomhaíochtaí brústocaireachta, le braistint oibleagáide a chur ar an oifigeach tofa nó ceaptha trí bhronntanais nó fáilteachas a thairiscint don oifigeach”. Foráiltear leis an gCód freisin gur “cheart do dhuine a sheolann gníomhaíochtaí brústocaireachta bheith ar an eolas faoi aon riail nó aon chód iompair a bhfuil feidhm acu maidir le hoifigigh phoiblí thofa nó cheaptha a bheith ag glacadh le bronntanais nó le fáilteachas”.
Mura bhfuil tuiscint shoiléir agat faoi do chuid oibleagáidí maidir le bronntanais nó maidir le haon ní eile, molann an Coimisiún duit comhairle a lorg.
Déan teagmháil linn ar na bealaí seo a leanas:
6 Ardán Phort an Iarla Baile Átha Cliath 2 D02 W773
Teileafón: (01) 639-5666
Ríomhphost: info@sipo.ie
Suíomh Gréasáin: www.sipo.ie
X: @SIPOCIreland