Foilsiú
Duine atá ag iarraidh gearán a dhéanamh
Ó Coimisiún um Chaighdeáin in Oifigí Poiblí
Foilsithe
An t-eolas is déanaí
An bhfuil faisnéis agat faoi shárú ar na hAchtanna? Déanann an Coimisiún um Chaighdeáin maoirseacht ar chomhlíonadh na reachtaíochta atá faoina shainchúram agus féadfaidh sé sáruithe féideartha a iniúchadh. Tá cumhachtaí difriúla ag an gCoimisiún faoi na hAchtanna éagsúla a ndéanann sé maoirseacht orthu.
- Ba cheart an fhoirm ar líne a chomhlánú de réir threoir an Choimisiúin um Chaighdeáin in Oifigí Poiblí (an Coimisiún) maidir le gearán a chur isteach lena bhreithniú ag an gCoimisiún.
- Má theipeann ort cloí le nósanna imeachta an Choimisiúin chun gearán a chur isteach, d’fhéadfadh sé tarlú nach ndéanfaidh an Coimisiún do ghearán a bhreithniú.
- Ba chóir go mbeadh aon fhaisnéis chúlra nó cáipéisíocht a thacaíonn le do líomhaintí nó atá riachtanach chun go dtuigeann an Coimisiún imthosca do ghearáin a bheith in éineacht leis an bhfiorm seo. Is féidir an fhaisnéis seo a chur ar fáil mar cheangaltán/uaslódáil san fhoirm fhéin. Má tá comhaid agat atá rómhór le huaslódáil, is féidir leat iad a chur ar ríomhphost chuig complaints@sipo.ie nó a chur sa phost chuig 6 Ardán Phort an Iarla, Baile Átha Cliath 2.
- Má theastaíonn cabhair uait ag líonadh na foirme ar líne seo, déan teagmháil leis an oifig trí ríomhphost a chur chuig complaints@sipo.ie nó ar an bhfón ar 01 639 5666 agus iarr labhairt le ball den Aonad Gearán agus Imscrúduithe.
- De réir nósanna imeachta na Choimisiúin, cuirfear d’ainm iomlán agus cóip de shonraí do ghearáin ar fáil don duine is ábhar do do ghearán. Ní roinnfidh an Coimisiún do sheoladh nó faisnéis theagmhála.
Faoi na hAchtanna um Eitic, glacann an Coimisiún le gearáin ó dhaoine den phobal a chreideann go bhféadfadh go ndearnadh sárú. Féadfaidh an Coimisiún réamhfhiosrú a dhéanamh nó tabhairt faoi imscrúdú ar sháruithe líomhnaithe.
Faoin Acht Toghcháin agus faoin reachtaíocht um Ghníomhaíochtaí Parlaiminte, féadfaidh an Coimisiún um Chaighdeáin fiosruithe a dhéanamh chun go mbeidh sé in ann a fhreagrachtaí reachtacha a chomhlíonadh. Má bhíonn an Coimisiún den tuairim go bhféadfadh go ndearnadh cion, féadfaidh sé an ní a tharchur chuig an Stiúrthóir Ionchúiseamh Poiblí.
Faoin Acht um Brústocaireacht a Rialáil, féadfaidh an Coimisiún cionta a imscrúdú agus a ionchúiseamh faoin Acht. Chun tuilleadh faisnéise a fháil faoi ról an Choimisiúin i mbrústocaireacht a rialáil, nó chun ceist a chur, téigh chuig www.lobbying.ie
