Ó Coimisiún um Chaighdeáin in Oifigí Poiblí
Foilsithe
An t-eolas is déanaí
D’fhoilsigh an Coimisiún inniu a thuarascáil imscrúdaithe ar líomhaintí maidir le sárú ar an Acht um Eitic in Oifigí Poiblí, 1995 agus ar an Acht um Chaighdeáin in Oifigí Poiblí 2001 ag an Teachta Robert Troy. Tagann an tuarascáil sna sála ar éisteacht imscrúdaithe a reáchtáladh an 10 Meitheamh 2024.
Tá an tuarascáil imscrúdaithe, mar aon leis na sonraí iomlána maidir le torthaí agus cinntí an Choimisiúin, ar fáil ar shuíomh Gréasáin an Choimisiúin um Chaighdeáin in Oifigí Poiblí.
Cúlra
Is comhlacht neamhspleách é an Coimisiún um Chaighdeáin in Oifigí Poiblí atá freagrach as maoirseacht a dhéanamh ar an Acht um Eitic in Oifigí Poiblí 1995, ar an Acht um Chaighdeáin in Oifigí Poiblí 2001, ar an Acht Toghcháin 1997 (arna leasú), ar an Acht um an Oireachtas (Gníomhaíochtaí Aireachta agus Parlaiminte) (Leasú), 2014, agus ar an Acht um Brústocaireacht a Rialáil, 2015.
Cruthaíodh an Coimisiún um Chaighdeáin leis an Acht um Chaighdeáin in Oifigí Poiblí, 2001. Seisear comhaltaí atá air agus iarbhreitheamh den Ard-Chúirt atá ina chathaoirleach air. Is é an Breitheamh Garrett Sheehan an cathaoirleach reatha. Is iad na comhaltaí eile: Seamus McCarthy, an tArd-Reachtaire Cuntas agus Ciste; Ger Deering, an tOmbudsman; Peter Finnegan, Cléireach Dháil Éireann; Martin Groves, Cléireach Sheanad Éireann, agus Geraldine Feeney, iarchomhalta de Sheanad Éireann. Chun tuilleadh eolais a fháil, nó chun breathnú ar an tuarascáil, tabhair cuairt ar www.sipo.ie.
Preasoifigeach
An Coimisiún um Chaighdeáin in Oifigí Poiblí
6 Ardán Phort an Iarla
Baile Átha Cliath 2
D02 W773
Teileafón: (01) 6395666
Ríomhphost: info@sipo.ie
Suíomh Idirlín: www.sipo.ie
Twitter: @SIPOCIreland
CRÍOCH