Foilsiú
Teagmhas Cibearshlándála: Do Cheisteanna
Ó Coimisiún um Chaighdeáin in Oifigí Poiblí
Foilsithe
An t-eolas is déanaí
Ó Coimisiún um Chaighdeáin in Oifigí Poiblí
Foilsithe
An t-eolas is déanaí
Nóta: Tá an leathanach seo á nuashonrú go leanúnach chun an t-eolas is déanaí a léiriú. Foilsíodh an leathanach seo den chéad uair an 17 Nollaig 2025, agus rinneadh é a nuashonrú an 19 Nollaig, an 22 Nollaig, an 6 Eanáir agus an 19 Eanáir.
C. Cad a tharla?
Ar an Déardaoin 11 Nollaig 2025 rinneadh ionsaí cibearshlándála randamach ar chuid dár gcórais TF.
Mar réamhchúram, cuireadh roinnt córas as líne i dtús báire chun an bhagairt a choinneáil faoi smacht fad a bhí an teagmhas á fhiosrú. Tá córais nár cuireadh isteach orthu ag an ionsaí ar líne arís anois, agus táimid ag obair go dian chun gnáthsheirbhís a athbhunú ina hiomláine.
C. Ar tógadh mo shonraí?
Bunaithe ar imscrúduithe fairsinge, lena n-áirítear imscrúduithe fóiréinseacha, agus ar an eolas ar fad atá ar fáil dúinn faoi láthair, táimid muiníneach nár tógadh aon sonraí pearsanta. Tá sé mar phríomhthosaíocht againn leanúint ar aghaidh ag cosaint sonraí pearsanta daoine.
C. Cad iad na bearta a glacadh chun mo chuid sonraí a chosaint?
Nuair a tháinig muid ar an eolas faoin teagmhas, ba é ár bpríomhthosaíocht sonraí na ndaoine a bhraitheann ar sheirbhísí an Choimisiúin a chosaint agus seirbhísí a athbhunú go sábháilte.
Chuir an Lárionad Náisiúnta Cibearshlándála (LNC) a phlean freagartha teagmhais i ngníomh agus chuir sé faireachán feabhsaithe i bhfeidhm chun tacú leis an gCoimisiún.
Cuireadh an teagmhas in iúl freisin chuig an gCoimisinéir um Chosaint Sonraí agus chuig An Garda Síochána.
Táimid muiníneach anois nár tógadh aon sonraí pearsanta. Mar sin féin, ag céim luath, fuarthas urghaire ón Ard-Chúirt a chuir cosc ar aon fhoilsiú sonraí.
Chun treoir ghinearálta maidir le cosaint sonraí a fháil, féach ar shuíomh gréasáin an Choimisiúin um Chosaint Sonraí . Le haghaidh comhairle ghinearálta maidir le cibearshlándáil, féach ar shuíomh gréasáin an Lárionaid NáisiúntaCibearshlándála . Maidir le ceisteanna a bhaineann le cosaint sonraí an Ombudsman, féach ar ár bhFógra Príobháideachais .
C. An bhfuil rochtain ag na hionsaitheoirí ar an gcóras TF faoi láthair?
Ní hea. Nuair a aimsíodh an teagmhas daingníodh ár gcóras TF chun a chinntiú nach raibh rochtain ag na hionsaitheoirí a thuilleadh.
C. Cad iad na seirbhísí atá buailte?
Faoin 15 Nollaig, bhí gach seirbhís phoiblí curtha ar ais i bhfeidhm. Mar sin féin, mar thoradh ar an ionsaí seo, níl cuid de na córais a raibh muid ag brath orthu chun ár gcuid oibre a dhéanamh ar fáil a thuilleadh. Tá próisis curtha i bhfeidhm againn chun cásanna a bhainistiú go slán agus táimid ag obair go dian chun gnáthsheirbhís a athbhunú ina hiomláine. Mar sin féin, tá moilleanna áirithe fós ann maidir le dul chun cinn cásanna. Tá ár bhfoireann fós ar fáil chun comhairle a sholáthar agus chun ceisteanna ó chustaiméirí a fhreagairt.
Tá tuairisceáin toghcháin agam atá le cur isteach chuig an gCoimisiún um Chaighdeáin in Oifigí Poiblí – an bhfuil aon athrú ar an gcaoi ar cheart dom é sin a dhéanamh?
Lean ort ag cur tuairisceán isteach trí ríomhphost chuig electoral@sipo.ie nó tríd an bpost chuig 6 Ardán Iarlaí, Baile Átha Cliath 2, D02 W773.
Tá ár rochtain ar ár gcórais ríomhphoist slán.
C. Tá tuairisceáin eitice agam atá le cur isteach chuig an gCoimisiún um Chaighdeáin in Oifigí Poiblí – an bhfuil aon athrú ar an gcaoi ar cheart dom é sin a dhéanamh?
Lean ort ag cur tuairisceán isteach trí ríomhphost chuig submissions@sipo.ie nó tríd an bpost chuig 6 Ardán Iarlaí, Baile Átha Cliath 2, D02 W773.
Tá ár rochtain ar ár gcórais ríomhphoist slán.
Tá gearán á phróiseáil ag an gCoimisiún um Chaighdeáin in Oifigí Poiblí agam, an mbeidh tionchar air seo?
Leanfar de ghearáin atá faighte cheana féin a phróiseáil.
Leanfaidh an Coimisiún um Chaighdeáin in Oifigí Poiblí ar aghaidh ag fáil agus ag próiseáil gearán nua tríd an bhfoirm ar líne Déan Gearán .
Tá ár rochtain ar an bhfoirm ar líne slán.
An ndearnadh aon difear don Chlár um Stocaireacht?
Níl aon chur isteach ar fheidhmeanna ná ar oibríochtaí ar bith a bhaineann leis an gClár um Stocaireacht. Is féidir clárúcháin agus tuairisceáin a chur isteach mar is gnách.
Is féidir ceisteanna a bhaineann le stocaireacht a sheoladh chuig info@lobbying.ie
Tá ár rochtain ar ár gcórais ríomhphoist slán.
Cuirfear aon nuashonruithe ar fáil ar an suíomh gréasáin.